රටේ ආර්ථිකය ගොඩනැගීම සඳහා අවශ්ය මූලික පියවර ගැනීමට ජනාධිපති රනිල් වික්රමසිංහට මාස දෙකක කාලයක් ලබාදිය යුතු බව පාර්ලිමේන්තු මන්ත්රී, අතුරලියේ රතන හිමි නැවතත් පවසනවා.
ඒ, පෙරේදා (04) පැවති මාධ්ය හමුවක් අමතමින්.
එසේ ඉඩ ලබා දීමක් සිදු නොකළහොත් රට අරාජික වනු ඇති බවයි රතන හිමියන් පවසන්නේ.
“මහජනයාට මේ සහන දෙන්න පුළුවන්, ඒකට මාස දෙකයි යන්නෙ. තවමත් මේ කෙටිකාලීනව දෙන්න ඕනෙ විසඳුම හදලා නෑ. රනිල් වික්රමසිංහ මැතිතුමා අග්රාමාත්යවරයා හැටියට දැන් කාලයක් වැඩකරලා තියෙනවා. ඉතින් විශේෂයෙන්ම එතුමා ගැන කිව්වොත් අපට එතුමා ආපු ගමන්ම ගෝ හෝම් කියන්නෙ නැතුව, රට අරාජික කරන්නෙ නැතුව අපි බලමු මාස දෙකක්. ඒ මාස දෙක ඇතුළේ එතුමා ඒ වැඩේ හරියට කරන්නෙ නැත්නම්, එතුමාට කරන්න බැරි නම් අපේ රට අපට ඕනෙ, අපේ රට අපි ගොඩනගන්න ඕනෙ, දරුවන් ඉස්කෝලෙ යන්න ඕනෙ, ලෙඩ්ඩුන්ට බෙහෙත් ටික තියෙන්න ඕනෙ. ඔහුට කරන්න බැරි නම් මේ රට අපේ දෝතට ගන්න ඕනෙ. මහජන අරගලයට ඉන් පස්සෙ එකතුවෙන්නෙ අපි”