අග්රාමාත්ය මහින්ද රාජපක්ෂ මහතා අද (13) නිවේදනයක් නිකුත් කරමින් ගාලු මුවදොර සිට අඛණ්ඩ විරෝධතාවයේ නිරත පිරිස් වෙත සාකච්ඡාවක් සඳහා ආරාධනා කර තිබුණා.
ඊට පිළිතුරු ලිපියක් යවමින් එම පිරිස පවසා සිටින්නේ මූලික කරුණු දෙකක් ඉටුවූ පසුව පමණක් ආණ්ඩුව සමඟ සාකච්ඡා කිරීමට සූදානම් බවයි.
එම ඉල්ලීම් නම්,
- මෙරට හත්වැනි විධායක ජනාධිපතිවරයා වන නන්දසේන ගෝඨාභය රාජපක්ෂ වහාම ජනාධිපති ධුරයෙන් ඉල්ලා අස් විය යුතුය.
- මහින්ද රාජපක්ෂ වන ඔබ ඇතුළු පාර්ලිමේන්තුව නියෝජනය කරන ඔබ පවුලට අයත් සියලු දෙනා (චමල් රාජපක්ෂ, බැසිල් රාජපක්ෂ, නාමල් රාජපක්ෂ, ශෂීන්ද්ර රාජපක්ෂ සහ නිපුණ රණවක ඇතුළු) ආණ්ඩුවේ සහ පාර්ලිමේන්තුවේ සියලු තනතුරුවලින් ඉල්ලා අස්විය යුතුය.
එම කරුණු දෙක ඉටුවීමෙන් තොරව කිසිදු සාකච්ඡාවක් සදහා ‘ගෝඨාගෝ ‘ ගම නම් ස්ථානයේ විරෝධතාවයේ නිරත පිරිස් කිසිදු සාකච්ඡාවකට එකඟ නොවන බවත්, එම ඉල්ලීම් ඉටු නොවන තත්ත්වයක් තුළ කිසියම් පාර්ශවයක් ආණ්ඩුව සමඟ සාකච්ඡාවකට එන්නෙ නම් ඔවුන් මෙම ස්ථානයේ විරෝධතාවයේ නිරත පාර්ශවයක් නොවන බවත් අදාළ ලිපියේ සදහන්.
අදාළ මූලික ඉල්ලීම් දෙක ඉටුවන තුරු ‘ගෝඨාගෝ ‘ ගම නම් ස්ථානයේ සිදුකරන අරගලය අඛණ්ඩව සිදුකරන බවත් ලිපියේ වැඩිදුරටත් සදහන්.