ඓතිහාසික නාගදීප පුරාණ රජමහා විහාරය පූජා භූමියක් බවට ප්‍රකාශයට පත්කිරීමේ ශ්‍රී සන්නස් පත්‍රය පිළිගැන්වීම සඳහා එම විහාර පරිශ්‍රයේ සංවිධානය කර තිබු වැඩසටහනට අග්‍රාමාත්‍ය මහින්ද රාජපක්ෂ මහතා (20) අද එක් වුණා.
එහිදී අග්‍රාමාත්‍යවරයා පැවසුවේ උතුරු පළාත සංවර්ධනය කිරීමට ජනාධිපතිවරයා ප්‍රමුඛ රජය බැඳී සිටින බවයි.
මේ අතර, අග්‍රාමාත්‍ය මහින්ද රාජපක්ෂ මහතා ඊයේ (19) යාපනයේ ආගමික වැඩටහන් කිහිපයකට සහභාගී වුණි.
එහිදී යාපනය නාවක්කුලිය සමිද්ධි සුමන විහාරස්ථානයේ අභිනවයෙන් ඉදිකළ සංඝාවාසය සඟ සතු කිරීම ද අග්‍රාමාත්‍යවරයාගේ ප්‍රධානත්වයෙන් සිදුකෙරුණා.
කෙසේවෙතත් අග්‍රාමාත්‍යවරයාගේ මෙම යාපනය සංචාරය විරෝධය පලකරමින් අතුරුදන්වූවන්ගේ පවුල්වල ඥාතීන් විසින් විරෝධතාවයක් සංවිධානය කර තිබුණා.
විරෝධතාවයේ නිරත පිරිස කියා සිටියේ තම දරුවන් අතුරුදන් වී මේ වන විට වසර ගණනාවක් ගතව ඇතත් කොළඹ ආණ්ඩුව ඒ වෙනුවෙන් තවමත් කිසිදු ක්‍රියාමාර්ගයක් ගෙන නොමැති බවයි.
එහිදී අග්‍රාමාත්‍යවරයාගේ, ජනාධිපතිවරයාගේ, ඩග්ලස් දේවානන්ද මහතාගේ රුව සහිත බැනරයකට ගල් හා වැලිවලින් ගසා අනතුරුව එය ගිනි තැබීමටද ඔවුන් ක්‍රියාකළා.
ඊට අදාළ දර්ශන පහතින්,
