ආණ්ඩුවේ එක් අමාත්යංශයක වාහන 18 ක් පෞද්ගලික පරිහරණයට යොදාගන්නා අමාත්යවරයෙක් සිටින බව පාරිභෝගික සේවා අධිකාරියේ හිටපු විධායක අධ්යක්ෂ තුෂාන් ගුණවර්ධන මහතා පවසනවා.
ඔහු සදහන් කරන්නේ අදාළ අමාත්යවරයාගේ නම හෙළි කළහොත් පළිගැනීමක් සිදුවිය හැකි බවයි.
ඊයේ (08) කොළඹදී ප්රවෘත්ති සාකච්ඡාවක් පවත්වමින් ඒ මහතා මෙම අදහස් පලකළා.
” අමාත්යංශයේ වාහන 18ක් තමන්ගේ පෞද්ගලික පරිහරණයට යොදාගත් ඇමැතිවරයෙක් ඉන්නවා.
මැති ඇමැතිවරුන්ට ලැබෙන වාහන බලපත්රය විකුණලා අමාත්යංශවලට සැප වාහන ගන්නවා. ඊට පස්සේ ඒවා ඔවුන් පරහරණය කරනවා. මේවා හෙළි කළාම හෙළිකළ කෙනාගෙන් පලි ගන්නවා. ඇමැතිවරුන් කරන්නේම හොරකම විතරයි. ඒවායින් තමයි ආර්ථිකය විනාශ වුණේ”
තුෂාන් ගුණවර්ධන මහතා සිය අමාත්යංශය තුළ සිදුවන දූෂණ හා අක්රමිකතාවලට දිගින් දිගටම විරුද්ධ වුණා.
පාරිභෝගික සේවා අධිකාරිය අයත්වන විෂය භාර අමාත්යවරයා වන්නේ අමාත්ය බන්දුල ගුණවර්ධන මහතායි.