බලශක්ති අමාත්‍ය උදය ගම්මන්පිළ මහතාට එරෙහි විශ්වාසභංග යෝජනාව තුනෙන් දෙකක බහුතරයකින් පරාජය කරන බව අමාත්‍ය ප්‍රසන්න රණතුංග මහතා පවසනවා.
ඒ, ඊයේ (13) කටුනායක බණ්ඩාරණායක ජාත්‍යන්තර ගුවන් තොටුපල පුළුල් කිරීමේ ව්‍යාපෘතියේ පළමු අදියරේ ඉදිකිරීම්වල ප්‍රගතිය නිරීක්ෂණය කිරීමට පැමිණි අවස්ථාවේදී මාධ්‍ය වෙත අදහස් පළ කරමින්.
කෙසේ වෙතත්, තෙල් මිල ඉහළ දමා රජය ආහසුතාවයට පත්කළ උදය ගම්මන්පිළ මහතා සිය අමාත්‍යධූ‍රයෙන් ඉල්ලා අස් විය යුතු බවයි මීට පෙර ලිපියක් මගින් රී ලංකා පොදජන පෙරමුණ ප්‍රකාශ කර සිටියේ.
අමාත්‍ය උදය ගම්මන්පිළට එරෙහිව විපක්ෂ මන්ත්‍රීවරුන් 43 දෙනෙකුගේ අත්සන්වලින් යුත් විශ්වාසභංග යෝජනාව පිළිබඳ විවාදය ජුලි මස 19 සහ 20 වනදා පැවැත්වීමට පසුගිය 5වනදා පෙරවරුවේ රැස්වුණු පාර්ලිමේන්තු කටයුතු පිළිබඳ කාරක සභාවේ දී පක්ෂ නායකයින් තීරණය කළා.
