යළිත් කොවිඩ් වසංගත තත්ත්වය පෙර තිබූ පාලන මට්ටමින් ගිලිහී ඇති පරිසරයක් තුළ දිවයිනේ රෝහල් රැසක ධාරිතාවය ඉක්මවා කොවිඩ් රෝගීන් වාර්තා වීම හේතුවෙන් රෝහල් කාර්ය මණ්ඩල දැඩි අසීරුතාවයකට පත්ව තිබෙනවා.
ඊයේ (05) වන විට රත්නපුරය ශික්ෂණ රෝහල හා ගාල්ල – කරාපිටිය ශික්ෂණ රෝහලද හදිසි තත්ත්වයක් ප්‍රකාශයට පත්කර තිබුණා.
මේ වන විට කළුබෝවිල ශික්ෂණ රෝහලද දැඩි ලෙස අසීරුතාවයට පත්ව තිබෙන අතර කොවිඩ් වෛරසය ආසාදනය වී ප්‍රතිකාර සදහා පැමිණි රෝගීන් රෝහලේ වාට්ටු තුළ පමණක් නොව රෝහල් පරිශ්‍රයේ තණගොල ගොඩවල්වල පවා දක්නට ලැබෙනවා.
රෝහල් කාර්ය මණ්ඩල සේවකයන් හටද කොවිඩ් වෛරසය ආසාදනය වී ඇති බැවින් රෝහලට දරාගත නොහැකි ප්‍රමාණයක රෝගීන් වාර්තාවීම නිසා මේ වන විට තත්ත්වය බරපතල වන බවයි වාර්තා වන්නේ.
එමෙන්ම රාගම ශික්ෂණ රෝහලේද මේ වන විට කොවිඩ් වාට්ටු පිරී ගොස් රෝගීන් දැඩිලෙස අපහසුතාවයට පත්ව තිබෙනවා.
