චීන පොහොර ආනයනය නතර කිරීමට සිදු වූ‍යේ ඒවා ප්‍රමිතිගතව නිෂ්පාදනය කර නොතිබීම හේතුවෙන් බව කාබනික පොහොර නිෂ්පාදන, ප්‍රවර්ධන හා සැපයුම් නියාමන සහ වී හා ධාන්‍ය, කාබනික ආහාර, එළවළු, පලතුරු, මිරිස්, ළුෑණු හා අර්තාපල් වගා ප්‍රවර්ධන, බීජ නිෂ්පාදන හා උසස් තාක්ෂණ කෘෂිකර්ම රාජ්‍ය අමාත්‍ය ශෂින්ද්‍ර රාජපක්ෂ මහතා පවසනවා.
ඒ, බදුල්ල දිස්ත්‍රික්කයේ වී වගාව සඳහා ප්‍රථම කාබනික පොහොර තොගය නිකුත් කිරිමේ සමාරම්භක උත්සවයට එක් වෙමින්.
චීන පොහොර ආනයනය සම්පූර්ණයෙන් නරත කිරීමට සිදු වීම මත ඉන්දීයවෙන් දියර පොහොර ආනයනය කිරීම සඳහා ඉන්දීය රජයෙන් ඉල්ලීමක් කළ බවයි රාජ්‍ය අමාත්‍යවරයා පවසන්නේ.
“චීන සමාගමක් ඉදිරිපත් වුණා. සමහර අය කියනවා චීන අසූචි ගෙන්නනවා කියලා. එහෙම චීනයෙන් අසූචි ගෙන්නන්න තරම් අපේ ඇඟේ අමාරුවක් නෑ අපිට. ප්‍රමිතිගතව නිෂ්පාදනය කරලා නොතිබුණ නිසා අපි ආනයනය සම්පූර්ණයෙන් නතර කළා
අපි ඉන්දියානු රජයෙනුත් ඉල්ලිමක් කලා. ඒ අනුව තමයි නැනෝ නයිට්‍රජන් දියර පොහොර ආනයනය කරන්න පුළුවන් වුණේ, ඒ් අපිට ඒ්කෙන් යැපෙන්න නෙමෙයි. වගාවේ යම් අඩුවක් සිදු වුණොත් ගොවි රක්ෂණ මණ්ඩලය මගින් සියලු ගොවීන්ට අවශ්‍ය වන වන්දි ලබාදීමට අපි කටයුතු කරනවා” යැයි ඔහු පවසනවා.
