මහාමාර්ග අමාත්‍ය ජොන්ස්ටන් ප්‍රනාන්දු මහතා විසින් ජනතා විමුක්ති පෙරමුණේ හිටපු පාර්ලිමේන්තු මන්ත්‍රී වසන්ත සමරසිංහ මහතා වෙත රුපියල් බිලියනයක වන්දි මුදලක් ඉල්ලා එන්තරවාසියක් යොමුකර තිබෙනවා.
ඒ දූෂණ විරෝධී හඬ සංවිධානය විසින් පවත්වන ලද ප්‍රවෘත්ති සාකච්ඡාවකදී වසන්ත සමරසිංහ මහතා එල්ලකරන ලද චෝදනාවක් සම්බන්ධවයි.
2022 පෙබරවාරි 20 වන දින පවත්වන ලද අදාළ ප්‍රවෘත්ති සාකච්ඡාවේදී මධ්‍යම අධිවේගී මාර්ගයේ මුදල් වංචා සිදුකළ බවට චොදනා කරමින් චේතනාන්විතව කිසිඳු සාක්ෂියක් නොමැතිව අසත්‍ය කරුණු ද්වේශ සහගත සහ අපහාසාත්මක ප්‍රකාශ සිදුකරමින් සිය කීර්තිනාමයට හානිකළ බව බව දන්වමින් මෙම එන්තරවාසිය වසන්ත සමරසිංහ මහතා වෙත යොමුකර තිබෙනවා.
