ගෑස් හිඟය සහ ගෑස් වල අධික මිල වත්මන් ආර්ථික අර්බුදයට ප්‍රධාන හේතුවක්ව ඇති බව සරත් වීරසේකර පවසනවා
ඒ, ඊයේ (07) දින පාර්ලිමේන්තුව අමතමින්.
ගෑස් පෝළිම් වල ජනතාව රජයට පරිභව කරන අයුරු පමණක් මාධ්‍ය මගින් පෙන්වන බවත් ගෑස් සඳහා ඇති විකල්ප වලට මාධ්‍ය වල ඉඩක් නොලැබෙන බවටත් ඔහු චෝදනා කර සිටිනවා.
එමෙන්ම, ශ්‍රී ලංකාව වසරකට දැව ටොන් මිලියන 12ක් භාවිතා කරන බවත් මෙරට මුලු බලශක්ති පරිභෝජනයෙන් 46%ක් තවමත් දැව ඉන්ධන මගින් සැපයෙන බවත් ගෘහස්ත සුළු වාණිජ කර්මාන්තයන්ට 68%ක දායකත්වයක් දැව ඉන්ධන ලබාදෙන බවත් කර්මාන්ත සඳහා 75%ක් දැව ඉන්ධන භාවිතා කරන බවත් ඔහු පවසනවා.
වර්තමානයේ දර භාවිතය නවීන ලෝකය තුල ගෝත්‍රික ක්‍රියාදාමයක් ලෙස අවතක්සේරුවට ලක් කළත් 1800 තෙක් ලෝකයේ ප්‍රධාන බලශක්ති ප්‍රභවය වූයේ දර ඉන්ධන බවත්ෙවකට දර හිඟය නිසා ජනතාව ගස් සුලභ රටවලට සංක්‍රමණය වූ බවත් ඔහු පවසනවා.
“නවීන පිරිසිඳු බලශක්ති ඉන්ධන පරිහරණය කරන දියුණු රටවල මිනිසුන්ගේ ආයු කාලය වසර 80යි 85යි. නමුත් ලංකාවේ ගෑස් මිලදී ගැනීමට අපහසු දර පරිහරණය කරන කාන්තාවන්ගේ ආයු කාලය වසර 80.1යි. ඒ කියන්නේ ලංකාවේ සමහර දර්ශක දකුණු ආසියාවේ ඉහළම තැනට පත්වෙලා තියෙනවා. ඉන් පෙන්වන්නේ දර පාවිච්චිය රටේ සංවර්ධනයට මිස පරිහාණියට හේතු වෙන්නෙ නැති බවයි.”
