මෙරට ජනතාවට දීඝවාපිය මහා සෑ රඳුන්ගේ සර්වඥ ධාතූන් වහන්සේලා සහ චුඩා මාණික්‍ය සියසින් දැක වන්දනාමාන කිරීමට අවස්ථාව සලසාදීමේ අරමුණින් 2023 අගෝස්තු මස 29 දින පස්වරු 04 ට ධාතු ප්‍රදර්ශනයක් සූදානම් කර තිබෙනවා.
කැළණි රජමහා විහාරයෙන් ආරම්භ කිරීමට නියමිත මෙම ධාතු ප්‍රදර්ශනය ජනාධිපති රනිල් වික්‍රමසිංහ මහතාගේ ප්‍රධානත්වයෙන් සිදුකිරීමට නියමිත බව ආරක්ෂක අමාත්‍යංශය නිවේදනය කරනවා.
ඒ අනුව අගෝස්තු මස 30 වන දිනයට යෙදෙන නිකිණි පොහෝය දිනයේ පටන් සැප්තැම්බර් 03 දක්වා දින 5 ක කාලයක් දීඝවාපී මහ සෑ රඳුන්ගේ චූඩා මාණික්‍යය සහ සර්වඥ ධාතූන් වහන්සේලා කැලණිය රජමහා විහාර භුමියේදී ප්‍රදර්ශනය කෙරෙනු ඇති.
ඉන් අනතුරුව දින 150 ක කාලයක් බැතිමතුන්ගේ වන්දනාමානය සඳහා දිවයින පුරා මෙම ධාතු ප්‍රදර්ශනය සිදු කෙරනවා.
