2019 අප්රේල් 21 පාස්කු ඉරු දින එල්ලවූ ත්රස්ත ප්රහාර මාලාවෙන් කොඩ්චිකඩේ දේවස්ථානයට එල්ලවූ ප්රහාරයෙන් විපතට පත්වූවන්ට රජයෙන් නව නිවාස ලබාදීමේ වැඩසටහනක් ඊයේ (28) පස්වරුවේ අග්රාමාත්ය මහින්ද රාජපක්ෂ මහතාගේ ප්රධානත්වයෙන් කොටහේන ශාන්ත ලුසියා දේවස්ථානයේදී පැවැත්වුණා.
නාගරික සංවර්ධන අධිකාරියට අයත් නිවාස සංකීර්ණවලින් ප්රතිලාභී පවුල් 19 ක් සඳහා එහි පළමු අදියර යටතේ අද දිනයේ නව නිවාස ප්රදානය කෙරුණා.
කුලී පදනම හා අඩු ආදායම්ලාභී පදනම මත තෝරාගත් ප්රතිලාභී පවුල් 33 කට නව නිවාස ප්රදානය කිරීමට නියමිත අතර එම එක් නිවසක වටිනාකම රුපියල් මිලියන 4 ඉක්මවන බව අග්රාමාත්ය කාර්යාලය නිවේදනය කරනවා.
මෙම අවස්ථාවට අතිඋතුම් ජේ.ඩී. ඇන්තනී රදගුරුතුමන් සහ අතිඋතුම් ඇන්ටන් රංජිත් රදගුරුතුමන්ද එක්ව සිටියා.
මෙහිදී රැස්ව සිටි පිරිස අමතමින් අග්රාමාත්ය මහින්ද රාජපක්ෂ මහතා සදහන් කළේ ප්රමාදයක් සහිතව වුවද පාස්කු ප්රහාරයෙන් පීඩාවට පත් ජනතාව වෙනුවෙන් රජය විසින් ඉටුකල යුතු යුතුකම් අනිවාර්යයෙන් ඉටු කරන බවයි.