තමන් බලයට පත්වන විට වසර 5 ක් තුළ සිදුකරන බවට පොරොන්දු වූ සියලුම වැඩ කොටස් ඉතිරි වසර 3 තුළදී අනිවාර්යයෙන්ම ඉටුකරන බව ජනාධිපති ගෝඨාභය රාජපක්ෂ මහතා පවසනවා.
එබැවින් තමන් කෙරෙහිත් මහින්ද රාජපක්ෂ මහතාගේ රජය කෙරෙහිත් විශ්වාසය තබන ලෙස ජනාධිපතිවරයා ජනතාවගෙන් ඉල්ලා සිටියා.
මධ්යම අධිවේගී මාර්ගයේ මීරිගම සිට කුරුණෑගල දක්වා කොටස විවෘත කිරීමේ උත්සවයට සහභාගී වෙමින් ජනාධිපතිවරයා මෙම අදහස් පලකළා.
රජය විවේචනය කර ජනතාව අධෛර්යමත් නොකරන ලෙසට ජනාධිපතිවරයා මෙහිදී මාධ්යවේදීන්ගෙන් ඉල්ලීමක්ද සිදුකළා.
ජනාධිපතිවරයා මාධ්යවේදීන්ට කියා සිටියේ ධනවාදී ලෙස සිතන ලෙසයි.
ආණ්ඩුවේ ඇමතිවරයෙක් වන සිරිපාල ගම්ලත් මහතා තෙත්වී රුපියල් 80 ටත් වියලි වී රුපියල් 90 ටත් මිලදී ගන්නා බැවින් රුපියල් 95 කට මිලදී ගන්නා ලෙස තමන් කෘෂිකර්ම අමාත්යවරයාට උපදෙස් දුන් බවද ජනාධිපතිවරයා මෙහිදී සදහන් කළා.
තම රජය විශ්වාස කරන ලෙස ගොවි ජනතාවගෙන්ද ඉල්ලා සිටින බව මෙහිදී ජනාධිපතිවරයා වැඩිදුරටත් පවසා සිටියා.