මෙරටට ගෑස් අවශ්‍යතාවය සදහා ආනයනය කරන ලද ගෑස් තොගය රැගත් නෞකා දෙකක් මේ වන විටත් මෙරට මුහුදු සීමාවේ නැංගුරම්ලා තිබෙනවා.
ඒ අදාළ නෞකා දෙකට අදාළ ගෙවීම් සිදුකිරීමට අවශ්‍ය කෙරෙන ඩොලර් ප්‍රමාණය ශ්‍රී ලංකා මහබැංකුව නිකුත් නොකිරීමේ තත්ත්වයක් හේතුවෙන්.
මෙට්‍රික් ටොන් 3,500 ක් රැගත් අදාළ ගෑස් නෞකා දෙක මෙරටට ළඟාවී අදට දින10ක් පමණ ගතවී තිබෙනවා.
අදාළ ගෑස් තොග ගොඩබෑමෙන් තොරව මුහුදේ නැංගුරම්ලා තිබෙන කාලය තුළදී ඒවාට ප්‍රමාද ගාස්තු වශයෙන් එක් නෞකාවකට දිනෙකට අමෙරිකානු ඩොලර් 18,000ක් ගෙවීමට සිදුවනවා.
ඒ අනුව නෞකා දෙකට අදාළව දිනෙකට අමෙරිකානු ඩොලර් 36,000ක් ගෙවීමට සිදුවන බවයි වාර්තා වන්නේ.
මීට අමතරව මෙම ගෑස් තොගය ගොඩබෑම ප්‍රමාද කිරීම හේතුවෙන් දිවයින තුළ ගෑස් හිඟය දිනෙන් දින උග්‍රවී ආර්ථිකයට දැඩි බලපෑම් ඇතිකරන බව ආර්ථික විශ්ලේෂකයින් පෙන්වා දෙනවා.
