අද (23) පැවති සර්ව පාක්ෂික සමුළුවේදී මුදල් අමාත්‍ය බැසිල් රාජපක්ෂ මහතා සහ එක්සත් ජාතික පක්ෂ නායක රනිල් වික්‍රමසිංහ මහතා අතර උණුසුම් වචන හුවමාරුවක් සිදුවුණා.
ඒ ජාත්‍යන්තර මූල්‍ය අරමුදල සමඟ ඇතිකරගන්නා ලද එකඟතාවයන් සම්බන්ධයෙන් වන වාර්තාව පිළිබදව මුදල් අමාත්‍යවරයාගෙන් විමසීමත් සමඟයි.
එහිදී මුදල් අමාත්‍යවරයා පවසා සිටියේ එය ලබාදීමට තවමත් අදාළ වාර්තාව තමන්ටද නොලැබුණු බවයි.
ඊට පිළිතුරු දෙමින් රනිල් වික්‍රමසිංහ මහතා සඳහන් කළේ එම වාර්තාව ලබාදුන් බවට ජාත්‍යන්තර මූල්‍ය අරමුදල ප්‍රකාශ කර ඇති බැවින් එය නිරාකරණය කරගැනීමට එම අරමුදලේ මෙරට නියෝජිතයා සර්ව පාක්ෂික කමිටුව ඉදිරියට කැදවිය හැකි බවයි.
ජාත්‍යන්තර මූල්‍ය අරමුදල විසින් ලබාදුන් මූලික වාර්තාවක් තමන්ට ලබාදී ඇති බව මෙහිදී මුදල් අමාත්‍යවරයා පවසා සිටියා.
කෙසේවෙතත් මීට පෙර ආණ්ඩුව ප්‍රකාශ කර සිටියේ ඊට අදාළ කිසිදු වාර්තාවක් තමන්ට මේ වන තෙක් ලැබී නොමැති බවයි.
ඊට අදාළ දර්ශන පහතින්,
