හාල්, සීනි, පරිප්පු යන ආහාර ද්‍රව්‍ය ලංකා සතොස හරහා මිලදී ගැනීමට හැකි සීමාවන් සඳහන් කරමින් එම ආයතනය විසින් විසින් චක්‍ර ලේඛයක් නිකුත් කර තිබෙනවා.
ඒ අනුව සියලු තොග අංක යටතේ ඇති සම්බා සහල් මිලදී ගත හැකි උපරිමය කිලෝ 05කට සීමා වන අතර සියලු තොග අංක යටතේ ඇති නාඩු සහල් උපරිමය ද කිලෝ 05ක් වනවා.
රතු පරිප්පු මිලදී ගත හැකි උපරිමය ග්‍රෑම් 500ක් වන අතර සියලු තොග අංක යටතේ ඇති සුදු හෝ රතු සීනි උපරිමය කිලෝ 01කට සීමා වී සතොස හරහා මිලදී ගැනීමට අවස්ථාව හිමි වනවා.
එසේම මෙම අයිතම මිලදී ගන්නේ නම් තවත් අයිතමයක් මිලදී ගැනීම අනිවාර්‍යය වන බවත් එහි සඳහන්.
මෙම අයිතම මිලදී ගන්නා විට බිල්පතේ අගය රුපියල් 500ට වැඩිනම් කහ කුඩු ග්‍රෑම් 100 පැකට්ටුවක් මිලදී ගැනීමට අවස්ථාව ඇති බවත් මෙම සීමා උල්ලංඝණය කරමින් කටයුතු කරන සතොස සේවකයන්ගේ සේවය අත්හිටුවා විනය පරීක්ෂණ පවත්වන බවත් එම නිවේදනයේ වැඩිදුරටත් දැක්වෙනවා.
