2022 පෙබරවාරි 27 සිට මාර්තු 28 (ඊයේ) දක්වා මාසයක කාලය තුළ මහ බැංකුව විසින් රුපියල් මිලියන 216,470 ක් අච්චු ගසා ඇති බව හිටපු ආණ්ඩුකාර කීර්ති තෙන්නකෝන් මහතා පවසනවා.
කැබිනට් බලතල සහිත මහ බැංකු අධිපති ධූරයක් ස්ථාපනය කර එයට අජිත් නිවාඩ් කබ්රාල් පත් කිරීමෙන් පසුව අච්චු ගසා ඇති සම්පූර්ණ මුදල රුපියල් ලක්ෂ 4,434,700 ක් එනම්, රුපියල් බිලියන 443.47 ක් බවයි ඒ මහතා පෙන්වා දෙන්නේ.
ඊයේ (28) දිනයේ අච්චු ගැසූ රු. ලක්ෂ 222,800 ක මුදලත් සමඟ වත්මන් රජය බලයට පත්වීමෙන් පසුව අද දක්වා (2020 ජනවාරි සිට 2022 මාර්තු 28 දක්වා) අච්චු ගසා ඇති මුළු මුදල රුපියල් මිලියන දාසය ලක්ෂ පනස් තුන්දහස් එකසීයක් බව (රු. මිලියන 1,653,100) තෙන්නකෝන් මහතා පවසනවා.
තෙන්නකෝන් මහතා පෙන්වා දෙන්නේ , IMF ශ්‍රී ලංකාව වාර්තාවේ දක්වා ඇති මුදල් අච්චු ගැසීම පාලනයට රජය උත්සහ නොකරන බවයි.
රජයේ ආදයම් ඉහළ නංවා ගැනීමට හෝ විදයම් පියවා ගැනීමට පියවර නොගැනීම හේතුවෙන් මුදල් අච්චු ගැසීමත්, අච්චු ගසන මුදල් කෑමට නොහැකි බැවින්, රට තුල ආහාර ද්‍රව්‍ය මිල ඉහළ යාමත් සිදුවන බව ඔහු පවසනවා.
අලුත් අවුරුද්දට යැයි කියමින් රජය පවුල් ලක්ෂ 31 කට රු. 5000 බැගින් රු. 1,550,000,000 බෙදාදීමට මේ වන විට සූදානම් වනවා.
මාස දෙකක් පුරා මෙම මුදල ලබා දෙන්නේ එයට අවශ්‍ය මුදල රු. 3,100,000,000 ක් වනවා.
මෙම මුදල ලබාදීමට කටයුතු කරන්නේ මේ ආකාරයෙන් මුදල් අච්චු ගැසීම තුළින් නම් රට තව තවත් මූල්‍ය අර්බුදයකට ගමන් කරනු ඇති බවයි තෙන්නකෝන් මහතා වැඩිදුරටත් පෙන්වා දෙන්නේ.
