Youtube සමාජ මාධ්ය ඔස්සේ ආණ්ඩුව රජය විවේචන කිරීමේ චෝදනා මත මාධ්යවේදී තරිදු උඩුවරගෙදර හට අපරාධ පරීක්ෂණ දෙපාර්තමේන්තුව විසින් විමර්ශනයක් ආරම්භ කර තිබෙනවා.
මීට අදාළ කරුණු සම්බන්ධයෙන් අපරාධ පරීක්ෂණ දෙපාර්තමේන්තුව අද කොටුව මහේස්ත්රාත් අධිකරණයට කරුණු වාර්තා කළා.
එමෙන්ම විමර්ශනයේ උදෘත නීතිපතිවරයාට යොමුකර ඇති බවද අධිකරණයට දැනුම්දී තිබෙනවා.
නඩු අංකය 22659/22 යටතේ මෙම විමර්ශනය පවත්වාගෙන යන අතර ඔහුව අත්අඩංගුවට ගැනීමේ සූදානමක්ද පවතින බවට තොරතුරු වාර්තා වනවා.
මේ අතර නිවේදනයක් නිකුත් කරමින් The Digital Journalists Collective සාමුහිකය පවසන්නේ තරිඳු උඩුවරගෙදර මාධ්යවේදියාට නඩු පැවරීම ද්වේශ සහගත ක්රියාවක් බවයි.
ආණ්ඩුක්රම ව්යවස්ථාවේ 14 (1) අ වගන්තිය අනුව ‘සෑම පුරවැසියෙකුට ම භාෂණයේ නිදහසට සහ ප්රකාශනය ඇතුළු අදහස් පළ කිරීමේ නිදහසට හිමිකම් ඇති බව නිවේදනයේ සදහන්.
එසේම රජයේ ක්රියාකාරිත්වය විවේචනය කළ හැකි බව ද විජේරත්න එදිරි ව පෙරේරා ශ්රේෂ්ඨාධිකරණ නඩු තීන්දුවේ (SC/FR/379/93) පැහැදිලිව දක්වා ඇති බවත් ඔවුන් මෙම නිවේදනය මගින් පෙන්වා දෙනවා.
තරිදු උඩුවරගෙදර යනු කලක් ‘රාවය’ පුවත්පතෙත්, පසුව ‘අනිද්දා’ පුවත්පතෙත් සේවය කළ මාධ්යවේදියෙක් වන අතර ජනමාධ්ය සම්මාන උළෙලේදී වසරේ විශිෂ්ඨතම තරුණ ජනමාධ්යවේදියා ලෙස සම්මානයෙන් පිදුම් ලද පුද්ගලයෙක්ද වනවා.
මීට අමතරව ඔහු මහින්ද රාජපක්ෂ මහතාගේ ආන්දෝලනාත්මක ජෙට් සවාරිය පිළිබදව අල්ලස් හෝ දූෂණ විමර්ශන කොමිසම වෙත පැමිණිල්ලක්ද ඉදිරිපත් කර තිබුණා.
ගෝල්ෆේස් අරගල භූමිය ආරම්භයේ සිටම සක්රීයව ඊට දායකවූ තරිදු උඩුවරගෙදර මීට පෙර අවස්ථාවක ගුවන් හමුදා බුද්ධි අංශයෙන් සිදුකළ පැමිණිල්ලකට අදාළව අපරාධ පරීක්ෂණ දෙපාර්තමේන්තුවට කැඳවා පැය ගණනාවක ප්රශ්න කිරීමක්ද සිදුකළා.