ස්වර්ණවාහිනී නාලිකාව ඇතුළු විද්යුත් මාධ්‍ය ආයතන හා තවත් ආයතනවල හිමිකාරීත්වය දරණ BEN Holding ආයතනය පුවත්පත් නිවේදනයක් නිකුත් කර තිබෙනවා.
එහි දැක්වෙන්නේ EAP Broadcasting සමාගමේ ප්‍රධාන විධායක නිලධාරී ලෙස කටයුතු කළ සුදේව හෙට්ටිආරච්චි, ස්වර්ණවාහිනී නාලිකා ප්‍රධාන ලෙස කටයුතු කළ රංගන ද සිල්වා සහ වැඩසටහන් ප්‍රධාන ලෙස කටයුතු කළ කාවින්ද සුරේන් යන අය තව දුරටත් තමන්ගේ කිසිදු සමාගමක සේවකයන් නොවන බවයි.
මේ හේතුවෙන් ආයතනයේ නාමය භාවිත කරමින් ඔවුන් සිදු කරන කිසිදු කටයුත්තකට සිය සමාගම වග නොකියන බව අදාළ පුවත්පත් දැන්වීමේ සදහන් කර තිබෙනවා.
ආයතනයේ අභ්‍යන්තර ආරංචි මාර්ග සදහන් කළේ මූල්‍ය වංචාවක් සම්බන්ධයෙන් කළ පරීක්ෂණයකින් පසුව ඔවුන් තිදෙනා සේවයෙන් පහකිරීමට ආයතන තීරණය කළ බවයි.
කෙසේවෙතත් රංගන ද සිල්වා මහතා තමන් හා තම බිරිද සම්බන්ධයෙන් සමාජ මාධ්‍යයන්හී පලවන අසත්‍ය තොරතුරු පිළිබදව වහාම විමර්ශනයක් කරන්නැයි ඉල්ලා පසුගියදා අපරාධ පරීක්ෂණ දෙපාර්තමේන්තුවට පැමිණිල්ලක්ද භාර දුන්නා.
