හිටපු අග්‍රාමාත්‍ය මහින්ද රාජපක්ෂ මහතා නිසි වේලාවේදී තනතුරු අතහැර දේශපාලනයෙන් ඉවත්වූවා නම් අද ඔහුට අත්ව ඇති ඉරණම අත් නොවන බව ඔහුගේ වැඩිහමල් සොහොයුරා වන පාර්ලිමේන්තු මන්ත්‍රී චමල් රාජපක්ෂ මහතා පවසනවා.
අද (19) පාර්ලිමේන්තුවේදී ප්‍රකාශයක් සිදුකරමින් චමල් රාජපක්ෂ මහතා පැවසුවේ දේශපාලනයේ නිරතවනවා නම් අත්හැරීම පුරුදුවිය යුතු බවයි.
එසේ නොමැතිව තනතුරුවලට ලෝභී වුවහොත් මෙවැනි දේවල්වලට මුහුණදීමට සිදුවන බවද මන්ත්‍රීවරයා වැඩිදුරටත් සදහන් කළා.
මැයි 09 වනදා සිදුවීම පිළිබදව තමන් කණගාටුවන බවත් අරලියගහ මන්දිරයට රැස්වූ පිරිස ගාලු මුවදොර පිරිසට පහරදුන් සිදුවීම වැරදි සහගත ක්‍රියාවක් බවත් චමල් රාජපක්ෂ මහතා පවසනවා.
අරලියගහ මන්දිරයේ සිටි යම් පිරිසක් සිදුකළ උසිගැන්වීම නිසා මෙම අවාසනාවන්ත සිදුවීම වූ බවයි ඔහු වැඩිදුරටත් සදහන් කළේ.
ඊට අදාළ දර්ශන පහතින්,
