ප්රවීන රූපලාවන්ය ශිල්පී චන්දිමාල් ජයසිංහ මහතාගේ රියදුරු ඊයේ (01) පොලිස් අත්අඩංගුවට ගෙන තිබෙනවා.
ඒ කොළඹ ප්රධාන මහේස්ත්රාත් අධිකරණය ඉදිරියේ මාර්ගයේ ඇති ඉරි කපා චන්දිමාල් ජයසිංහ මහතාගේ වාහනය U ආකාරයේ හැරවීමක් සිදුකල වරදකටයි.
නිරෝධායන නීතිය උල්ලංඝනය කරමින් පසුගිය ඉරිදා කොළඹ ෂැන්ග්රිලා හෝටලයේදී උපන්දින සාදයක් පැවැත්වීම හේතුවෙන් චන්දිමාල් ජයසිංහ මහතා සහ නිරූපන ශිල්පිනී පියුමි හංසමාලි මහත්මිය අත්අඩංගුවට ගෙන අධිකරණයට ඉදිරිපත් කරනු ලැබුවා.
ඉන් අනතුරුව ඇපමත නිදහස් වූ චන්දිමාල් මහතා සහ පියුමි හංසමාලි මහත්මිය චන්දිමාල් ජයසිංහ මහතාගේ කැබි රථයේ නැගී අධිකරණය ඉදිරියේ ඇති ඉරි කපා U ආකාරයේ හැරවීමක් සිදුකර ගමන් ගන්නා ආකාරය සමාජ මාධ්ය ඔස්සේ පලකෙරුණා.
මේ සම්බන්දයෙන් වූ පැමිණීල්ලක් හේතුවෙන් චන්දිමාල් ජයසිංහ මහතා හා ඔහුගේ රියදුරු පොලීසියට ගෙන්වා ඇති අතර රියදුරු අත්අඩංගුවට ගෙන අධිකරණයට ඉදිරිපත් කර තිබෙනවා.
රියදුරු අද (02) දින උසාවියට ඉදිරිපත් කිරීමෙන් අනතුරුව සැකකරු වරද පිළිගත් නිසා රුපියල් 12,500 ක දඩයකට ඔහුව නිදහස් කිරීමට අධිකරණය නියෝග කළා.