මාධ්‍යවේදීී චමුදිත සමරවික්‍රම මහතාගේ නිවසට අසූචි ප්‍රහාරය එල්ල කළ අසූචී ප්‍රේමියා කවුද යන්න පිළිබඳව කථා නොකරන බව ජනමාධ්‍ය අමාත්‍ය ඩලස් අලහප්පෙරුම මහතා පවසනවා.
ඒ, කැබීනට් තීරණ දැනුම් දීීමේ මාධ්‍ය සාකච්ඡාවේදී නිවසට චමුදිත මහතාගේ එල්ල වූ ප්‍රහාර සම්බන්ධයෙන් මාධ්‍ය වෙත අදහස් දක්වමින්.
වැසිකිළියක සැඟවී සිටින ප්‍රජාතන්ත්‍රවාදය නොහඳුන පිරසක් මෙම ප්‍රහාරය එල්ල කර ඇත බවත් අසූචි ප්‍රහාරයෙන් වහනය වන්නේ කුණුවූ සමාජයක කුණුවූ දුර්ගන්ධයක් බවත් ඔහු පවසනවා.
පෙරේදා (14) අළුයම 2 ට පමණ සමරවික්‍රම මහතාගේ නිවස අසලට සුදු පැහැති මෝටර් රථයකින් පැමිණි පුද්ගලයින් තිදෙනෙක් මෙම ප්‍රහාරය එල්ලකර ඇති බව නිවසේ ආරක්ෂිත කැමරා දර්ශනවල සටහන්ව ඇති බව පොලීසිය සදහන් කර සිටියා.
පැමිණි පුද්ගලයින් නිවසට ගල් හා අසූචි ප්‍රහාරයක් එල්ලකර ඇති අතර ඉන් නිවසට සැලකිය යුතු අලාභහානියක් සිදුව තිබෙනවා.
