ඉන්ධන සඳහා විනිවිදභාවයෙන් යුතු මිල සූත්‍රයක් ලබන සතියේ දී කැබිනට් මණ්ඩලයට හඳුන්වා දීමට බලාපොරොත්තු වෙන බව බල හා බලශක්ති අමාත්‍ය කංචන විජේසේකර මහතා පවසනවා.
ලාභ ලබන්නට නොව අලාභ අවම කර ගැනීම සඳහා මේ මිල සූත්‍රය හඳුන්වා දෙන බවයි අමාත්‍යවරයා පවසන්නේ.
දුම්රියෙන් වැඩිපුර ඉන්ධන කොටසක් ප්‍රවාහනය කිරීමටත් වැඩපිළිවෙළක් ක්‍රියාත්මක කරන බව කී අමාත්‍යවරයා මෙි වන විට ප්‍රමාණවත් තරම් පෙට්‍රල් ලංකාවේ තිබෙන බවත් සඳහන් කර සිටිනවා.
දින තුනක් යනවිට පෙට්ට්‍රල් තත්ත්වය සාමාන්‍ය අතට පත් කිරීමට හැකි බවත් ඩීසල් සම්බන්ධ යම් ගැටලුවක් තිබෙන අතර නොරොච්චෝලේ බලාගාරය බිඳ වැටුණ හෙයින් ඩීසල් බලාගාර වලට දෙන්නට සිදුවී තිබෙන බවත් අමාත්‍යවරයා පෙන්වා දෙනවා.
දිවංගත හිටපු අමාත්‍ය මංගල සමරවීර විසින් ඉන්ධන සඳහා මිල සූත්‍රයක් හඳුන්වා දුන් විට එවකට විපක්ෂයේ සිටි වත්මන් රජය විසින් මිල සූත්‍රය දැඩි විවේචනයට ලක් කළ අතර වත්මන් රජය බලයට ආ වහාම එය අවලංගු කිරීමට ද කටයුතු කරන ලදි. නමුත් පසුව ඉන්ධන මිල පාලනය කර ගැනීමට නොහැකි තත්වයකට පත්වූ පසුව වත්මන් රජය විසින්ම මංගල සමරවීර මහතාගේ මිල සූත්‍රය අගය කරනු දක්නට ලැබිණ.
