30 C
Colombo
Tuesday, October 4, 2022

නැනෝ වංචාව: තමාට අපහාස නොකරන්නැයි ශෂීන්ද්‍ර රාජපක්ෂ ඉල්ලයි

- Advertisement -

2020 නොවැම්බර් මස 19 වන දින පාර්ලිමේන්තු මන්ත්‍රීනි රෝහිණී කවිරත්න මන්ත්‍රීවරිය විසින් සිදුකරන ලද චෝදනා අසත්‍ය සහ පදනම් විරහිත බව රාජ්‍ය අමාත්‍ය ශෂීන්ද්‍ර රාජපක්ෂ මහතා පවසනවා.

ඒ වරප්‍රසාද කඩවීම පිළිබඳව අද (22) දින පාර්ලිමේන්තුවේදී ප්‍රකාශයක් සිදුකරමින්.

නැනෝ නයිට්‍රජන් පොහොර ආනයනයේදී වැඩිමිලට ආනයය කිරීමක් සිදුව ඇති බවටත් පොහොර ආනයනය සිදුකරනු ලබන්නේ ශෂීන්ද්‍ර රාජපක්ෂ මහතාගේ පොහොර අමාත්‍යංශයෙන් බවටත් කෘෂ්ඊකර්ම අමාත්‍ය මහින්දානනද අළුත්ගමගේ මහතා විසින් පසුගිය 18වැනිදා සිදුකළ ප්‍රකාශයක් පදනම් කරගනිමින් රෝහිණී කවිරත්න මන්ත්‍රීවරිය විසින් පසුගිය 19වැනිදා පාර්ලිමේන්තුවේදී පවසා සිටියේ මෙම වංචාව පිටුපස සිටින්නේ රාජ්‍ය අමාත්‍ය ශෂීන්ද්‍ර රාජපක්ෂ මහතාදැයි සොයාගත යුතු බවයි.

මේ සම්බන්ධයෙන් අද දිනයේදී පාර්ලිමේන්තුවේදී වරප්‍රසාද ප්‍රකාශයක් සිදුකරමින් රාජ්‍ය අමාත්‍ය ශෂීන්ද්‍ර රාජපක්ෂ මහතා ප්‍රකාශ කර සිටියේ රෝහිණී කවිරත්න මන්ත්‍රීවරියගේ ප්‍රකාශයෙන් පාර්ලිමේන්තු මන්ත්‍රීවරයෙකු වශයෙන් තමාගෙ වරප්‍රසාද කඩවී ඇති බවද, තමාට පෞද්ගලික අපහාසයක් සිදුව ඇති බවද, එකී ප්‍රකාශය මගින් එම මන්ත්‍රීවරිය පාර්ලිමේන්තු බලතල සහ වරප්‍රසාද පණත සහ ස්ථාවර නියෝග 91 (උ) උල්ලංඝණය කර ඇති බවද තමා විශ්වාස කරන බවයි.

එබැවින් ස්ථාවර නියෝග 22-10 යටතේ පුද්ගලික පැහැදිලි කිරීමක් සිදු කිරීමටත් ස්ථාවර නියෝග 22-11 යටතේ වරප්‍රසාද ප්‍රශ්නයක් මතු කිරීමටත් හා ස්ථාවර නියෝග 118 යටතේ වරප්‍රසාද ප්‍රශ්නය ආචාරධර්ම හා වරප්‍රසාද පිළිබඳව කාරක සභාව වෙත ඉදිරිපත් කිරීමටත් තමා අපේක්ෂා කරන බව ඔහු එහිදී කථානායකවරයාට දැනුම් දී සිටියා.

පොහොර සහනාධාරය වෙනුවට ඉන්දියාවෙන් නැනෝ නයිට්‍රජන් දියර පොහොර ආනායනය කරනු ලැබුවේ ජනාධිපතිවරයාගේ සෞභාග්‍යයේ දැක්ම ප්‍රතිපත්ති ප්‍රකාශය යටතේ කාබනික පොහොර භාවිතයට ගොවීන් හුරුකිරීමේ ජාතික වැඩපිළිවෙලේ කොටසක් ලෙස බවයි ඔහු පෙන්වා දෙන්නේ.

එම ආනයනය කිරීම සහ බෙදා හැරීම සිදු කරනු ලබන්නේ පූර්ණ රාජ්‍ය සමාගමක් වන ‘කල්ම්බෝ කමර්ෂල් ෆර්ටිලයිසර්’ සමාගම හරහා බවත් එහිදී රජයේ විධිමත් ප්‍රසම්පාදන ක්‍රියාවලියට අනුකූලව, අමාත්‍ය මණ්ඩලයේ අනුමැතිය සහිතව මෙකී දියර පොහොර ආනයනය කිරීම සිදු කළ බවත්, විශේෂයෙන්ම එම ආනයනය කිරීම සිදුකොට ඇත්තේ කෘෂිකර්ම අධ්‍යක්ෂ ජනරාල්වරයාගේ පූර්ණ අධීක්ෂණය සහ නිර්දේශය සහිතව බවත් ඔහු පවසනවා.

එමෙන්ම, ආන්දෝලනයකට තුඩු දී ඇති චීන පොහොර ගෙන්වීමේ ක්‍රියාවලිය ද කෘෂිකර්ම අධ්‍යක්ෂ ජනරාල්වරයාගේ පූර්ණ නිර්දේශය සහිතව, ප්‍රසම්පාදන ක්‍රියාවලියකට යටත්ව, අමාත්‍ය මණ්ඩල අනුමැතිය සහිතව සිදුවූ බවත් තමා ඊට කිසිඳු ලෙසකින් මැදිහත් නොවූ බවත් ඔහු පවසා සිටිනවා.

එමෙන්ම සියළු තනතුරු වලට වඩා තමාහට වටින්නේ තමා ආරක්ෂා කරගන්නා හොඳ නම බවත් එබැවින් මේ සම්බන්ධයෙන් නිසි ක්‍රියාමාර්ග ගන්නා ලෙසට කථානායකවරයාගෙන් ඉල්ලා සිටින බවටත් පැවසූ රාජ්‍ය අමාත්‍යවරයා වැඩිදුරටත් උක්ත පුවත පල කළ මාධ්‍ය ආයතන වලට දැනුම් දී සිටියේ එම පුවත නිවැරදි කිරීමට වහාම පියවර ගන්නා ලෙසයි.


RECENT ARTICLES - SINHALA

කෝප් කමිටුවෙන් හර්ෂ ඉල්ලා අස්වෙයි

තමන් කෝප් කමිටුවෙන් ඉල්ලා අස්වන බවට සමගි ජනබලවේගය පක්ෂයේ පාර්ලිමේන්තු මන්ත්‍රී හර්ෂ ද සිල්වා මහතා පවසනවා. ට්විටර් පණිවුඩයක් නිකුත්...

Breaking: සුදේව හෙට්ටිආරච්චි ස්වර්ණවාහිනියෙන් ඉල්ලා අස්වෙයි

0
ස්වර්ණවාහිනී නාලිකාවේ විධායක අධ්‍යක්ෂ්‍යවරයා ලෙස කටයුතු කළ සුදේව හෙට්ටිආරච්චි මහතා එම තනතුරින් ඉල්ලා අස්වී තිබෙනවා. ඒ අනුව සිය ඉල්ලා...

අත්‍යාවශ්‍ය සේවා නම් කරමින් රනිල්ගෙන් තවත් ගැසට්ටුවක්

සාමාන්‍ය ජන ජීවිතය පවත්වාගෙන යාම සඳහා අත්‍යවශ්‍ය වන බවට හඳුනාගත් සේවාවන් කිහිපයක් හඳුනාගනිමින් ඒවා සඳහා අතිවිශේෂ ගැසට්ටුවක් නිකුත් වී තිබෙනවා.

RECENT ARTICLES - ENGLISH

Tom Moody and Sri Lanka Cricket to part ways

0
Former Sri Lankan Head Coach Tom Moody, who joined Sri Lanka Cricket once again last year as the director of cricket for...

Temples to switch off lights on Poya Day to protest tariff hike?

0
A proposal has been presented to the Central Province Maha Sangha Sabha to turn off the lights within all temples across the...

Horrific details about captivity of 7 Sri Lankans by Russian soldiers revealed

0
A Ukrainian journalist and the Kharkiv region’s police have disclosed appalling details about the torture the seven Sri Lankans endured while they...