මැද පෙරදිග යුද ගැටුම් තවදුරටත් තීව්ර කරමින් ඉරානය විසින් ඊයේ (13) රාත්රියේදී ඊශ්රායලය වෙත ඩ්රෝන සහ මිසයිල ප්රහාර මාලාවක් දියත් කර තිබුණා.
මේ අතර මෙම ප්රහාරය සඳහා යළිත් ප්රතිප්රහාර එල්ල කළහොත් ඊට දැඩි ප්රතිචාරයක් දක්වන බවට ඉරානය විසින් ඊශ්රායලයට සහ එක්සත් ජනපදයට අනතුරු අඟවා තිබෙනවා.
ඉරාන බලධාරීන් විසින් තවදුරටත් අවධාරණය කර ඇත්තේ එවැනි ප්රහාරයක් සඳහා එක්සත් ජනපදය ඊශ්රායලය සඳහා සහාය නොදිය යුතු බවයි.
ඉරාන ජනාධිපති ඊබ්රාහිම් රයිසි ප්රකාශයක් නිකුත් කරමින් මෙසේ පවසා තිබුණා,
“සියොන්වාදී තන්ත්රය වන ඊශ්රායලය හෝ ඔවුන්ගේ මිත්ර පාර්ශවයන් දිගින් දිගටම නොසැලකිලිමත් අන්දමින් හැසිරෙන්නේ නම් ඔවුන්ට මීටත් වඩා තීරණාත්මක මෙන්ම ප්රබල ප්රහාරයකට මුහුණ දීමට සිදු වේවි”
ඊශ්රායලය වෙත ඉරානයෙන් එල්ල කරන ලද ප්රහාරය මඟින් සිය අරමුණු සහ ඉලක්ක ඉටු කරගෙන අවසන් බවත් එබැවින් එම මෙහෙයුම අවසාන කළ අතර එය තවදුරටත් ඉදිරියට රැගෙන යාමට අපේක්ෂා නොකරන බවත් ඉරාන හමුදා ප්රධානී පවසා තිබෙනවා.