රත්මලාන ජාත්යන්තර ගුවන්තොටුපල වසර 55 කට පසුව යළිත් ජාත්යන්තර ගුවන් ගමන් ආරම්භ කළ බව රජය නිවේදනය කරනවා.
ඒ අනුව මාලදිවයිනේ ජාතික ගුවන්සේවය වන Maldivian Air හි ගුවන් යානයක් ඊයේ (27) උදෑසන 8.50 ට රත්මලාන ජාත්යන්තර ගුවන්තොටුපළ ළඟා වුණා.
ගුවන් සේවා හා අපනයන කලාප සංවර්ධන රාජ්ය අමාත්ය ඩී. වී. චානක මහතා පවසන්නේ ආසන 50 ක් ඇති DH 8 ගුවන් යානා සතියකට තුන් වතාවක් කාල සටහන් ගතව ක්රියාත්මක කරන අතර 2022 මැයි සිට එය සතියට පස් වතාවක් දක්වා වැඩි කරන බවයි.
රත්මලාන ජාත්යන්තර ගුවන්තොටුපළ තුළ ඇති පහසුකම් වැඩි දියුණු කරමින් නව උප ධාවන පථය සහ ආස්තරණය කරන ලද ගුවන් යානා අංගනය හා තීරු බදු රහිත වෙලද සැල විවෘත කිරීම ක්රීඩා අමාත්ය නාමල් රාජපක්ෂ මහතාගේ ප්රධානත්වයෙන් සිදුකෙරුණා.
නාමල් රාජපක්ෂ මහතා ක්රීඩා අමාත්යවරයා වුවද ක්රීඩාවට කිසිදු සම්බන්ධයක් නැති ගුවන්තොටුපලක විවෘත කිරීමට ඒ මහතා සම්බන්ධවීම විශේෂත්වයක්.
එහිදී නාමල් රාජපක්ෂ මහතා පිළිගැනීමට විශේෂ උත්සවයක්ද සංවිධානය කර තිබෙන අයුරු දක්නට ලැබුණා.