මුහුණු වසාගත් පොලිස් නිලධාරීන් දෙදෙනෙක් තමන්ගේ ත්‍රීරෝද රථයට ගිණි තැබූ බවට අදාල ත්‍රී රෝද රථයේ රියදුරු කෑගල්ල මහේස්ත්‍රාත්වරයා හමුවේ සාක්ෂි දෙමින් පැවසූ බව අද (21) මවුබිම පුවත්පත වාර්තා කරනවා.
පසුගියදා රඹුක්කනදී සිදුවූ සිදුවීමට සමගාමීව මෙය සිදුවූ බවත් T-56 ගිණි අවි රැගත් තවත් පොලිස් නිලධාරීන් තිදෙනෙක් දුම් රිය නිල නිවාස වල වැසිකිළි දොරවල් කඩා දමමින් තමන්ව සෙවූ බවත් ඉන් පසුව ‘කොට තුවක්කු’ රැගත් නිලධාරීන් දෙදෙනෙක් තමන්ගේ ත්‍රී රෝද රථයේ ඉන්ධන පුරවන තැන අසලින් රථයට ගිණි තැබූ බවත් ඔහු සාක්ෂි දෙමින් පවසා සිටියා.
තවද, ත්‍රී රෝද රථයේ වහලය සම්පූර්ණයෙන්ම ගිණි ගන්නා තෙක් ඔහු එහි රැඳී සිටි බවයි ත්‍රී රෝද රථයේ රියදුරු සාක්ෂි දෙමින් පවසා සිටින්නේ. ඉන් අනතුරුව “උඹ දඟලනවා වැඩියි. පොඩි උන් පොඩි උන් විදිහට ඉන්න ඕනෑ” යැයි රඹුක්කන පොලිස් ස්ථානාධිපතිවරයා තමාට පැවසූ බවට එම රියදුරු සාක්ෂි දුන් බවත් මවුබිම පුවත්පත වාර්තා කරනවා.
