මේ වන විට පැය 6.30 ක් වැනි දීර්ඝ කාලයක් විදුලි කප්පාදුවක් සිදුකරමින් ජනතාව දැඩි අපහසුතාවයට පත්කර තිබෙන තත්ත්වයක් තුළදී ඉදිරියේදී පැය 10 ක කාලයක් විදුලිය කප්පාදු කිරීමට විදුලිබල මණ්ඩලය සූදානමින් පසුවන බවට තොරතුරු වාර්තා වනවා.
ප්‍රමාණවත් ඉන්ධන තොග සහ ජල විදුලි බලය නිපදවන ජලාශවල ජල මට්ටම සීඝ්‍ර ලෙස පහත බැසීම හේතුවෙන් මෙම තීරණය ගැනීමට සූදානමින් පසුවන බවටයි වාර්තා වන්නේ.
ඇතැම් ජලාශවල ජල මට්ටම් අනුව විදුලි බලය නිපදවීම සිදු කළ හැකි වන්නේ තවත් දින ගණනාවක් පමණක් බැවින් විදුලි බල අර්බුදය මේ වන විට පාලනය කළ නොහැකි මට්ටමටම පැමිණ තිබෙනවා.
මේ අතර අද (25) දින කෙරවලපිටිය දැවි තෙල් බලාගාරයේ විදුලි බල උත්පාදන කටයුතු තාවකාලිකව අත්හිටුවා තිබෙනවා.
ඒ එම විදුලි බලාගාරයට අවශ්‍ය කරන දැවිතෙල් ප්‍රමාණවත් තොග නොලැබීම හේතුවෙන්.
