අතිඋතුම් කාදිනල් මැල්කම් රංජිත් හිමිපාණන්ට විරෝධය පලකරමින් බොරැල්ලේ පිහිටි අගරදගුරු නිලනිවස වැටලීමේ උත්සහයක් අද (12) දහවල් ක්‍රියාත්මක වන බවට තොරතුරු වාර්තා වනවා.
මේ සඳහා බෞද්ධ භික්ෂූන් වහන්සේලා පිරිසක්ද සහභාගීවීමට නියමිත වන අතර වටිනාපහ සෝමානන්ද භික්ෂුව එහි ප්‍රදානත්වය දරන බවයි වාර්තා වන්නේ.
පවත්නා ආර්ථික අර්බුදය කළමණාකරණය කරගැනීමට ආණ්ඩුවට නොහැකිවීම හා පාස්කු වින්දිතයන් හට මේ වන තෙක් සාධාරණයක් නොකිරීම ඇතුළු කරුණු ගණනාවක් සම්බන්ධයෙන් වන විරෝධතා රැළි කිහිපයකටම පසුගියදා මැල්කම් කාදිනල් රංජිත් හිමිපාණන් සහභාගී වුණා.
මේ අතර කුප්‍රකට සංගීත ශිල්පී ඉරාජ් වීරරත්න හා අපේ ජනබල පක්ෂයේ මාධ්‍ය ප්‍රකාශක ඩෑන් ප්‍රියසාද් යන අය ඇතුළු භික්ෂූන් වහන්සේලා පිරිසක් සහභාගීවන තවත් විරෝධතා පාගමනක් මේ වන විටත් කොළඹදී ක්‍රියාත්මක වනවා.
එහි තේමාව වන්නේ ‘ව්‍යාජ ජනමතයට මුවාවී සිංහල බෞද්ධ ජනමතයට අත නොතබනු’ යන්නයි.
