69 ලක්ෂය යනු, රැවුල වවාගත් කොණ්ඩය පාට කළ, ගංජා සුරුට්ටුව අතේ තියාගත් කුඩු පැකට්ටුවට අතට දුන් විට අරගල භූමියේ හිටගන්නා අය නොවන බව පුත්තලම් දිස්ත්‍රික් පාර්ලිමේන්තු මන්ත්‍රී සනත් නිශාන්ත පවසනවා.
ඒ, ඊයේ (26) දින පැවති මාධ්‍ය හමුවක් අමතමින්.
කුඩුකාරයන්ට ඕනෑ ම වෙලාවක ආණ්ඩු පෙරළිය හැකි බවත් ඒ සඳහා අවශ්‍ය වන්නේ, කුඩු කිලෝ 10ක් 12ක් පමණක් බවත් ඔහු පෙන්වා දෙනවා. ඔවුන් ප්‍රසිද්ධියේ මත්ද්‍රව්‍ය භාවිත කරන බව හා ඒවාට වෙන ම වෙන් වුණු කුටි ද පවතින බවත් සනත් නිශාන්ත පෙන්වා දෙනවා.
එමෙන්ම, 1971 සහ 1989 වසර වලදී මෙන්ම මෙවර ඇති වූ ජනතා විරෝධයද ගෝඨාභය රාජපක්ෂ මහතාට පාලනය කිරීමට තිබූ නමුත් ගෝඨාභය රාජපක්ෂ විසින් එය සිදු නොකල බවයි ඔහු කියා සිටින්නේ.
මෙම විරෝධය පසුපස සිටින්නේ ඩයස්පෝරාව සහ බංකොලොත් දේශපාලන පක්ෂ බවට චෝදනා කරන ඔහු වැඩිදුරටත් පවසන්නේ රටේ තෙල් අර්බුදයක් ඇතිවීමට හිටපු බලශක්ති අමාත්‍ය උදය ගම්මන්පිළ ද වගකිව යුතු බවයි.
