චීනය, ඇමරිකාව ඉන්දියාව වැනි රටවල් ශ්‍රී ලංකාවටත් වඩා අසීරු තත්වයන්ට මුහුණ දෙමින් සිටින බව ශ්‍රී ලංකා පොදුජන පෙරමුණු පාර්ලිමේන්තු මන්ත්‍රී තිස්ස කුට්ටිආරච්චි මහතා පවසනවා.
ඒ, හපුතලේ පැවති ජන හමුවක් අමතමින්.
අග්‍රාමාත්‍යවරයාව අනුකරණය කරමින් “අල කෑවද? ලූණු ලාබද?” වශයෙන් විපක්ෂය විමසන නමුත් අග්‍රාමාත්‍යවරයා එසේ විමසූවේ ලෝක ව්‍යසනයක් නොපැවතීම හේතුවෙන් චීනයෙන්, ඉන්දියාවෙන්, ඇමරිකාවෙන්, ජපානයෙන් ආධාර ලැබෙන පසුබිමක බවයි මන්ත්‍රීවරයා පවසන්නේ.
එසේ වුවත් මේ වන විට සියළුම රටවල් දැඩි අර්බුදයක පවතින වර්තමාන සමයේ එසේ විමසීම නුසුදුසු බවත් මන්ත්‍රීවරයා පවසනවා.
“ඇමරිකාවට, චීනෙට කතාකරාම ඒ රටවල් වලට අපිට වඩා අමාරුයි, ඉන්දියාව විසාලා මහනුවරක්. එහෙම තියෙද්දි ඒ රටවල් අපිට උදව් කරයි ද?”යැයි ඔහු පවසනවා.
