පසුගිය 31 වනදා රාත්‍රියේ ජනාධිපතිවරයාගේ මිරිහානේ නිවස ඉදිරිපිට පැවති විරෝධතාවයේදී මාධ්‍යවේදීන් 7 දෙනෙකුට ආසන්න සංඛ්‍යවක් යුද හමුදාවේ, විශේෂ කාර්ය බලකායේ සහ ශ්‍රී ලංකා පොලීසියේ පහරදීම්වලින් දරුණු තුවාල ලැබුවා.
කෙසේවෙතත් සිදුවීමෙන් දින දෙකක් ගෙවුණු අද (02) දිනයේ ජනමාධ්‍ය අමාත්‍යවරයාට පහරකෑ ජනමාධ්‍යවේදීන් සිහිපත්වී තිබෙනවා.
ඒ අනුව පහරකෑ මාධ්‍යවේදීන් වෙනුවෙන් ට්විටර් පණිවුඩයක් නිකුත්කරමින් ජනමාධ්‍ය අමාත්‍ය ඩලස් අලහප්පෙරුම මහතා සදහන් කර ඇත්තේ මාධ්‍යවේදීන්ට කළ අමානුෂික ප්‍රහාරය තරයේ හෙළා දකින බවයි.
සාමකාමීව විරෝධතා දැක්වීමට ඇති පුරවැසි අයිතිය තහවුරු කළ යුතු වුවද විරෝධතාකරුවන්ද ප්‍රචණ්ඩත්වයට නොයා පොදු දේපලවලට හානි කිරීමට නොයා යුතු බවද අදාළ ට්විටර් පණිවුඩයෙන් අමාත්‍යවරයා අවධාරණය කරනවා.
කලකට පෙර ඩලස් අලහප්පෙරුම මහතාට ජනමාධ්‍යවේදියෙකු ලෙස කටයුතු කළා.
