හිටපු ජනාධිපතිනී චන්ද්‍රිකා බණ්ඩාරනායක කුමාරතුංග මහත්මිය සමඟ විපක්ෂයේ පාර්ශව ගණනාවක් එක්ව පසුගියදා සාකච්ඡාවක් පවත්වා තිබෙනවා.
කොළඹ බණ්ඩාරනායක සම්මන්ත්‍රණ ශාලාවේ පැවති මෙම සාකච්ඡාවට විපක්ෂයේ ප්‍රභලයින් රැසක් සහභාගී වී ඇති බව දක්නට ලැබුණා.
සජිත් ප්‍රේමදාස, කුමාර වෙල්ගම, චම්පික රණවක, කරු ජයසුරිය, රංජිත් මද්දුම බණ්ඩාර, රිෂාඩ් බදියුදීන්, රවුෆ් හකීම්, සුමන්දිරම්, අනුර යාපා, සුසිල් ප්‍රේමජයන්ත, කබීර් හෂීම්, එරාන් වික්‍රමරත්න, පේෂල ජයරත්න යන අය ඒ අතර සිටියා.
මෙහිදී රටේ ඇති වී තිබෙන ආර්ථික ගැටලුව, තරුණයන්ගේ සාමකාමි උද්ඝෝෂණ ශක්තිමත් කිරීම, දේශපාලන අස්ථාවරත්වය විසඳීම යන ගැටළු පුළුල්ව සාකච්ඡා වී තිබෙනවා.
