නව බලශක්ති අමාත්‍යවරයා ලෙස කංචන විජේසේකර මහතා පත්වීමෙන් සුළු මොහොතකට පසු මෙරට ඉන්ධන මිල යළිත් වරක් ඉහළ දැමීමට ලංකා ඛනිජ තෙල් නීතිගත සංස්ථාව කටයුතු කර තිබෙනවා.
ඒ අනුව ඔක්ටේන් 92 පෙට්‍රල් ලීටරයක් රුපියල් 84 කින්ද, ඔක්ටේන් 95 පෙට්‍රල් ලීටරයක් රුපියල් 90 කින්ද, ඩීසල් ලීටරයක් රුපියල් 113 කින්ද, සුපිරි ඩීසල් ලීටරයක් රුපියල් 75 කින්ද ලෙස දැවැන්ත ලෙස ඉන්ධන මිල ඉහළ දැමීමට ඛනිජ තෙල් අමාත්‍යවරයා කටයුතු කර තිබීම විශේෂත්වයක්.
නව මිල ගණන් අනුව ඔක්ටේන් 92 පෙට්‍රල් ලීටරයක නව මිල රුපියල් 338 ක් වන අතර ඔක්ටේන් 95 පෙට්‍රල් ලීටරයක නව මිල රුපියල් 373 ක් වනවා.
ඩීසල් ලීටරයක නව මිල රුපියල් 289 ක් වන අතර සුපිරි ඩීසල් ලීටරයක නව මිල රුපියල් 329 ක් ලෙස සටහන් වනවා.
මේ අතර 2022.14.15 දිනැති අලෙවි චක්‍රලේඛ අංක 1043 මගින් පනවා තිබූ යතුරු පැදි, ත්‍රිරෝද රථ, කාර්, වෑන්, ජීප් ඇතුළු අනෙකුත් වාහන සඳහා අලෙවි කළ යුතු ඉන්ධනවල උපරිම වටිනාකම සම්බන්ධ සීමාවන්ද අහෝසිකර තිබෙනවා.
කෙසේවෙතත් මෙම අතිවිශාල ඉන්ධන මිල ඉහළයෑමත් සමඟ මෙරට සියලුම භාණ්ඩ හා සේවාමිල ඉදිරියේදී ඉහළ යන අතර එය උද්ධමනය කෙරෙහි සෘජුවම බලපානු ලබනවා.
