පොදු ස්ථානවලදී මුව ආවරණ පැළදීම අනිවාර්යය නොවන බවට සෞඛ්ය අමාත්යාංශය ගෙන ඇති තීරණය වහාම අවලංගු කරන ලෙස විශේෂඥ වෛද්යවරුන්ගේ සංගමය ඉල්ලීමක් කරනවා.
නිවේදනයක් නිකුත් කරමින් එම සංගමය පවසන්නේ විශේෂයෙන් එළිමහන් රැස්වීම්වලදී මුවආවරණ පැළඳීමට පියවර ගන්නා ලෙසයි.
පසුගියදා නව සෞඛ්ය අමාත්යවරයා ලෙස වැඩභාරගත් චන්න ජයසුමන මහතා සිය ප්රථම රාජකාරිය ලෙස මෙතෙක් කලක් හොඳ සෞඛ්ය පුරුද්දක් ලෙස පැවති මුව ආවරණ පැළදීම අනිවාර්ය නොවන බවට නිවේදනයක් නිකුත් කළා.
මේ හේතුවෙන් සෞඛ්ය ක්ෂේත්රයේ කැළඹීමක් ඇතිවූ අතර සාමාන්ය ජනතාව අතරද ව්යාකූල තත්ත්වයක් හටගත්තා.
- මුහුණු ආවරණ පැළඳීම අවශ්ය නොවන බවට නිර්දේශ කළ විශේෂඥ කණ්ඩායම කවුද ?
- එම විශේෂඥ කණ්ඩායම ඊට හේතු ලෙස දැක්වූ නිශ්චිත කරුණු මොනවාද ?
- එම තීරණය මගින් සිදු විය හැකි ධනාත්මක හෝ සෘණාත්මක බලපෑම් පිළිබඳ වගකීම ගන්නේ කවුද ?
- ලංකාවේ කොවිඩ් ව්යාප්තිය අවසන් අදියරකට පැමිණ තිබේ ද ?
- එසේ නම්, එය පිළිගැනීමට රජයේ ප්රවෘත්ති දෙපාර්තමේන්තුවේ ඉලක්කම් හැර, වෙනත් නිශ්චිත සාක්ෂි – සාධක තිබේ ද ?
- ඉහත ප්රශ්නවලට විධිමත් පිළිතුරු නොමැතිව, සීග්ර කොවිඩ් ව්යාප්තියක් හෝ වෙනත් ස්වසන රෝග ව්යාප්තියක් සිදුවුවහොත්, ඊට මුහුණ දෙන්නට ඖෂධ ඇතුළු අනෙකුත් සියලු අවශ්යතා අප සතු ද ?
යන නිශ්චිත ප්රශ්න කිසිවකට සෞඛ්ය අමාත්යවරයා සතුව පිළිතුරු නොමැතිවීම හේතුවෙනුයි.
කෙසේවෙතත් වෛද්යවරුන්ගේ නිර්දේශය වන්නේ තවදුරටත් හැකි සෑම අවස්ථාවකදීම මුව ආවරණ පැලද තමන්ගේ ආරක්ෂාව සලසාගන්නා ලෙසයි.