ප්‍රසිද්ධ සංගීතඥ පේෂල මනෝජ් මහතා හොර රහසේ ඉන්ධන ලබාගෙන ඇති බවට ඉරාජ් වීරරත්න චෝදනා කරනවා.
ඔහු පවසන්නේ පොදු ප්‍රවාහන සහ පාසල් වෑන් රථ වලට ඩීසල් සපයන තලංගම ඩිපෝවෙන් පේෂල මනෝජ් මහතා ඉන්ධන ලබාගෙන ඇති බවයි.
පාසල් වෑන් රථයක් හෝ පොදු ප්‍රවාහන බස් රථයක් නොමැති පේෂල මනෝජ් ඉන්ධන ලබාගැනීමට තලංගම ඩිපෝවට ගියේ ඇයිදැයි ඉරාජ් වීරරත්න ප්‍රශ්න කර සිටිනවා.
අරගලයේ පෙර ගමන්කරුවෙකු හා රටේ සිස්ටම් එක වෙනස් කරන්න හදන, රටේ විනය ගැන කටමැත දොඩන පේෂල මනෝජ් පෝලිමක් හෝ නොමැතිව හොර පාරෙන් මෙලෙස ඉන්ධන ලබාගෙන ඇති බවටයි ඉරාජ් වීරරත්න ඡායාරූපද සහිතව චෝදනා කරන්නේ.
පේෂල මනෝජ් හා ඉරාජ් වීරරත්න කලකදී හොඳ යහළුවන් වූ අතර දේශපාලන විරුද්ධ මතවාද හේතුවෙන් ඔවුන් දෙදෙනා අතර මේ වන විට යම් විරසකයක් පවතිනවා.
