බහාලුම් ප්‍රවාහන රථයකට යටවීමෙන් ඉන්ධන පිරවුම්හලක් අසල පෝලිමක රැඳී සිටි 19 හැවිරිදි තරුණයෙක් ජීවිතක්ෂයට පත්ව තිබෙනවා.
ඒ අනුරාධපුර – පුත්තලම ප්‍රධාන මාර්ගයේ පණ්ඩුලගම ප්‍රදේශයේදීය.
මියගිය තරුණයාගේ පියා,
“පුතාට රට යන්න ඕනේ කිව්වා. මං කිව්වා පුතා.. එපා රට යන්න. ඔයා මෙහෙ ඉන්න. අපි මෙහෙ කොහොම හරි ජීවත්වෙමු කියලා. ඊට පස්සේ එයාට වව්නියාවට යන්න ඕනේ වුණා. ඒකට තෙල්ටික ගහගන්න තමයි ෂෙඩ් එකට ගියේ. ඒ වෙලාවේ තමයි මේ කරදරය වුණේ.”
ඉන්ධන අර්බුදයත් සමග පෝලිම් ආශ්‍රිතව මරණ 15ක් පමණ පසුගිය කාලයේ වාර්තා විය.
ඉන් මරණ 8ක්ම සෘජුවම පෝලිම්වල බොහෝ වේලාවක් රැඳී සිටිමින් සෞඛ්‍ය තත්ත්වය අයහපත්වීම නිසා සිදුවූ මරණ බව සෞඛ්‍ය අංශ පෙන්වාදී තිබෙනවා.
තත්වය මෙසේ තිබියදී පෙට්‍රල් නෞකාවක් පැමිණෙන බවට අවධාරනය කරමින් පැවසූ බලශක්ති අමාත්‍යවරයා ඊයේ දින ට්විටර් පණිවිඩයක් තබමින් පවසා සිටියේ අදාල නෞකාව තවත් ප්‍රමාද වන බවත් ඒ සම්බන්ධව තමා කණගාටුව පලකරන බවත්‍ය.
අමාත්‍යවරයාගේ කණගාටුව ඉන්ධන පෝළිම් වල දින ගණන් රැඳී සිට මිය යන ජනතාවට ප්‍රමාණවත් වන්නේද යන්න ගැටළු සහගතයි.
