25 C
Colombo
Friday, December 2, 2022

Breaking: අධිකරණයට අපහාස කළ චෝදනාවට රන්ජන් වරද පිළිගනියි

- Advertisement -

අධිකරණයට අපහාස කිරීම සම්බන්ධයෙන් වන දෙවන නඩුවටත් මුහුණ දී සිටින රන්ජන් රාමනායක මහතා එම නඩුවේ ඇති චෝදනාවට තමන් වරද පිළිගන්නා බව අද (25) ශ්‍රේෂ්ඨාධිකරණය හමුවේ ප්‍රකාශ කළා.

මෙම නඩුව බුවනෙක අලුවිහාරේ, එල්. ටී. බී. දෙහිදෙණිය සහ ගාමිණි අමරසේකර යන ත්‍රිපුද්ගල ශ්‍රේෂ්ඨාධිකරණ විනිසුරු මඩුල්ල හමුවේ අද කැඳවනු ලැබූවා.

මෙම චෝදනාවලට තමන් “නිවැරදිකරු” බව සඳහන් කරමින් රන්ජන් රාමනායක මහතා විසින් මීට පෙර අධිකරණය හමුවේ උත්තරවාද ඉදිරිපත් කර තිබුණා.

එහෙත් මෙම පැමිණිල්ල අද කැඳවනු ලැබූ අවස්ථාවේදී රන්ජන් රාමනායක මහතා වෙනුවෙන් පෙනී සිටි ජනාධිපති නීතිඥ අනුර මැද්දේගොඩ මහතා අධිකරණය හමුවේ කරුණු දක්වමින් පවසා සිටියේ මෙම චෝදනාවලට තමන් නිවැරදිකරු යැයි තම සේවාදායකයා මීට පෙර දුන් උත්තරවාදය ඉවත් කරගෙන “වැරදිකරු” යන උත්තරවාදය ඉදිරිපත් කිරීමට සූදානම් බවයි.

ඉන් අනතුරුව ත්‍රිපුද්ගල විනිසුරු මඩුල්ල විසින් රන්ජන් රාමනායක මහතා අධිකරණය හමුවට කැඳවා ඒ පිළිබඳව විමසීමක් සිදු කරනු ලැබූවා.

එහිදී රන්ජන් රාමනායක මහතා අධිකරණය හමුවේ සඳහන් කර සිටියේ අදාළ චෝදනාවලට “නිවැරදිකරු” යැයි තමන් විසින් මීට පෙර ඉදිරිපත් කළ උත්තරවාදය ඉවත් කරගෙන “වැරදිකරු” යන උත්තරවාදය මෙම අවස්ථාවේදී ඉදිරිපත් කරන බවයි.

“ස්වාමීනි..මෙම චෝදනාවලට නිවැරදිකරු බව මා මුලින් ප්‍රකාශ කළා. එහෙත් එම උත්තරවාදය ඉල්ලා අස්කරගෙන “වැරදිකරු” යන උත්තරවාද ඉදිරිපත් කිරීමට මා අවසර පතනවා. මා දෙරණ නාලිකාවේ “වාද පිටිය” වැඩසටහනේදී කළ ප්‍රකාශයක් සම්බන්ධයෙන් මෙම නඩුව පැවරී තිබෙන්නේ. මා විසින් සිදු කළ ප්‍රකාශයෙන් ගරු ශ්‍රේෂ්ඨාධිකරණයට අපහාසයක්, නින්දාවක් හෝ හෑල්ලුවට ලක් කිරීමේ චේතනාවක් මා තුළ තිබුණේ නැහැ. එවැනි මතයක් ගරු ශ්‍රේෂ්ඨාධිකරණ විනිසුරුතුමන්ලා තුළ තිබෙන්නේ නම් ඒ සම්බන්ධයෙන් මා කොන්දේසි විරහිතව කනගාටුව ප්‍රකාශ කර සිටිනවා.”

ඉන් අනතුරුව රන්ජන් රාමනායක මහතා වෙනුවෙන් පෙනී සිටි ජනාධිපති නීතිඥ අනුර මැද්දේගොඩ මහතා අධිකරණය හමුවේ කරුණු දක්වමින් මෙම කරුණ සම්බන්ධයෙන් ලිඛිත දේශන ඉදිරිපත් කිරීම සඳහා දිනයක් ලබාදෙන ලෙස ඉල්ලා සිටියා.

නීතිපතිවරයා වෙනුවෙන් පෙනී සිටි නියෝජ්‍ය සොලිසිටර් ජනරාල් මාධව තෙන්නකෝන් මහතා අධිකරණය හමුවේ කරුණු දක්වමින් මෙවැනි අවස්ථාවක විත්තිකරුවෙකුට සිරදඬුවමක්, දඩයක් හෝ සිරදඬුවම් හා දඩය යන දෙකම පැනවීමට අධිකරණයට බලයක් තිබෙන බව සඳහන් කළා.

ඉන් අනතුරුව මෙම පැමිණිල්ලට අදාළ ලිඛිත දේශන තිබේ නම් ඒවා මැයි මස 4 වනදා ගොනු කරන ලෙස නියෝග කළ ශ්‍රේෂ්ඨාධිකරණය මෙම පැමිණිල්ල පිළිබඳ තීන්දුව ප්‍රකාශ කිරීම දින නියමයක් නොමැතිව කල් තැබුවා.

2018 වසරේ එවක ජනාධිපති මෛත්‍රිපාල සිරිසේන මහතා විසින් පාර්ලිමේන්තුව විසුරුවා හරිමින් නිකුත් කළ ගැසට් නිවේදනය බලරහිත කරන ලෙස ඉල්ලා ගොනු කළ මූලික අයිතිවාසිකම් පෙත්සම් විභාග කිරීම සඳහා පත් කෙරුණු පංච පුද්ගල විනිසුරු මඩුල්ල සම්බන්ධයෙන් රූපවාහිනී වැඩසටහනක දී රන්ජන් රාමනායක මහතා සිදු කළ ප්‍රකාශයකින් අධිකරණයට අපහාසයක් සිදු වූයේ යැයි සඳහන් කරමින් ශ්‍රේෂ්ඨාධිකරණ ලේඛකාධිකාරී විසින් මෙම පැමිණිල්ල ඉදිරිපත් කර තිබුණා.


RECENT ARTICLES - SINHALA

කොළඹ ප්‍රදේශ රැසකට අද ජල කප්පාදුවක්

0
අද (02) දිනයේ කොළඹ ප්‍රදේශ කිහිපයකට පැය 15ක ජල කප්පාදුවක් සිදු කෙරෙන බව ජාතික ජල සම්පාදන හා ජලාපවහන මණ්ඩලය පවසනවා.

මේ වෙලාවේ විදුලිබිල ඉහළ දාන්න අවශ්‍යතාවක් නැහැ – මහජන උපයෝගිතා කොමිසමේ සභාපති

0
විදුලිබිල ඉහළ නැංවීමට කිසිඳු අවශ්‍යතාවක් නොමැති බව මහජන උපයෝගිතා කොමිසමේ සභාපති ජනක රත්නායක මහතා පවසනවා. අද (01) කොළඹ පැවැති...

මෙරට සංචාරය කරමින් සිටි රුසියානු කාන්තාවක් ජීවිතක්ෂයට

0
අද (01) උදෑසන ගාල්ල උණවටුන දළවැල්ල ප්‍රදේශයේ ත්‍රිරෝද රථයක් දුම්රියේ ගැටීමෙන් රුසියානු ජාතික කාන්තාවක් මියගොස් තිබෙනවා. මෙම අනතුරින් ගාල්ල...

RECENT ARTICLES - ENGLISH

Forced cremation during Pandemic: Who forced Gvt to go ahead

0
Foreign Minister Ali Sabry told Parliament it was Prof. Meththika Withanage and Dr.Channa Jayasumana who insisted the Government carry on the cremation...

Parliament turns orange

0
A number of activities were held in Parliament today (1) under the leadership of the Women Parliamentarians’ Caucus in support of the...

“Your understanding is incorrect and incomplete,” the Chinese Embassy snaps back at Rasamanickam

0
In response to the claim of TNA MP Shanakiyan Rasamanickam that if China truly wishes to stand with the people of Sri...