ශ්‍රී ලංකාවේ සිටි නායකයන්ට වැරදුණු ප්‍රධානතම තැනක් වන්නේ යමෙකුට වැඩක් භාරදී ඊට ඇඟිලි ගැසීම බව ඉඩම් හා සංචාරක අමාත්‍ය හරීන් ප්‍රනාන්දු පවසනවා.
ඒ, අද (2) අයවැය විසර්ජන පනත් කෙටුම්පත පිළිබඳ දෙවැනි වර කියවීමේ විවාදයේදී පාර්ලිමේන්තුව අමතමින්.
කෙසේ නමුත් වත්මන් ජනාධිපති රනිල් වික්‍රමසිංහ හට එම ලක්ෂණය නොමැති බවයි ඔහු පවසන්නේ.
මෙහිදී වැඩිදුරටත් අදහස් දැක්වූ අමාත්‍යවරයා.
“QR කෝඩ්” වැඩේ කරගෙන යන්න කියලා ජනාධිපතිතුමා කංචන විජේසේකරට බාර දීලා ඒකට ඇඟිලි ගහන්න ගියේ නෑ. අද කිව්.ආර් ක්‍රමය සාර්ථක වෙලා නැද්ද? අපේ හිටපු නායකයත් වැඩක් බාර දීලා ඇඟිලි ගහනවා. මේ වෙලාවෙ අවශ්‍ය වෙන්නේ රට සුව කරන ජනාධිපතිවරයෙක්. හැම දේම හරි යන්නේ නෑ කියන චව් චව්ලාට ජනාධිපති වෙන්න බෑ”
එමෙන්ම, මේ වසරේ ඉදිරි මාස හතර සඳහා රජයේ වියදම් ඇස්තමේන්තු සහිත අතුරු අයවැය පාර්ලිමේන්තුවට ඉදිරිපත් කරමින් ජනාධිපති රනිල් වික්‍රමසිංහ පැවසූ ‘ආජු තපර ලාහිලා’ ගීතයේ ඉතිරි පදපේලීන් සම්පූර්ණ කිරීමට ද අමාත්‍යවරයා කටයුතු කළා.
