මොනයම් හේතුවක් නිසා හෝ යළිත් පාසල් වසා නොතබන්නැයි අති උතුම් මැල්කම් කාදිනල් රංජිත් හිමිපාණන් පවසනවා.
උන්වහන්සේ පෙන්වා දෙන්නේ ඔන්ලයින් අධ්යාපනය මගින් දරුවන්ගේ ජීවිත විනාශ වන බවයි.
කෑගල්ල ශාන්ත ජෝෂප් බාලිකා මහා විද්යාලයට වසර 112 ක් පිරීම නිමිත්තෙන් කෑගල්ල ශාන්ත ජෝෂප් දේවස්ථානයේ පැවති ආශිර්වාද දේව මෙහෙයකට සහභාගීවෙමින් උන්වහන්සේ මෙම අදහස් පලකළා.
දරුවන් ඔන්ලයින් ඔස්සේ අධ්යාපනය හදාරන අවස්ථාවේදී වැරදි දේවල්වලට වගේම අපචාරයන්ට යොමු වන්නට වැඩි ඉඩකඩක් ඇති බව පෙන්වා දෙන කාදිනල් හිමිපාණන් පසුගිය කාලයේ දරුවන්ගේ ජීවිත යම් අන්දමකට විනාශ වීමට එය හේතුවක් වූ බව පවසනවා.
“අධ්යාපනය කියන්නේ පන්ති කාමරයක පොතක් පෙරළාගෙන විෂයක් ඉගැන්වීමම නෙවෙයි. මවුපියන් බලන්නේ නිතරම දරුවා විභාගවලින් පාස් කරගන්න විතරයි. නමුත් පෞර්ෂත්වය වර්ධනය නොකරන අධ්යාපනයකින් ඇති වැඩක් නැහැ. අනාගතයේදී මුහුණ දීමට සිදුවන ප්රශ්නවලට ඔරොත්තු දෙන ශක්තිමත් දරුවෙක් බිහිකරන්නේ පාසලෙන්. මගේම දරුවෙක් කියලා හිතාගෙන ඒ දරුවන් ආදරයෙන් බලාගෙන යහමග පෙන්වලා හදාගන්න එක තරම් ගුරුවරයෙක්ට ජීවිතේ වටිනා වෙන දෙයක් නැහැ කියලා මම හිතනවා. ඒක නිසා තමයි කතෝලික සභාව අධ්යාපනයට මුල්තැන දෙන්නේ. ගුරුවරයෙකුට සරිලන වැටුපක් ලබාදීම රජයේ වගකීමක්. මොකද ගුරුවරයා කරන්නේ අනාගත පරම්පරාව යහමඟ යැවීමේ මෙහෙවරයි.”