රජයේ වෛද්‍ය නිලධාරීන්ගේ සංගමයේ සභාපති අනුරුද්ධ පාදෙණිය මහතා එම ධූරයෙන් ඉල්ලා අස්වී තිබෙනවා.
ඒ එම සංගමයේ සාමාජිකයන්ගේ දැඩි බලපෑම මතයි.
ඒ අනුව රජයේ වෛද්‍ය නිලධාරීන්ගේ සංගමය සඳහා නව සභාපතිවරයෙක් සහ ලේකම්වරයෙක් නිතරඟයෙන් පත්කර තිබෙනවා.
සභාපති ධූරය සඳහා ස්නායු රෝග විශේෂඥ වෛද්‍ය දර්ශන සිරිසේන මහතා පත්වූ ඇති අතර වෛද්‍ය හරිත අලුත්ගේ මහතා ලේකම් ධූරයට පත්වුණා.
ඒ සඳහාවන නාමයෝජනා ඔවුන් විසින් අද (21) භාරදී ඇති අතර වෙනත් කිසිදු පාර්ශවයක් එම තනතුරු සඳහා නාමයෝජනා ලබා නොදීම නිසා නිලවරණයක් නොපැවැත්වීමට සංගමයේ විධායක කමිටුව තීරණය කර තිබෙනවා.
වෛද්‍ය හරිත අලුත්ගේ මහතා මීට පෙරද එම සංගමයේ ලේකම් ධූරය දැරූ අතර වෛද්‍ය අනුරුද්ධ පාදෙණිය මහතාද සහය දැක්වූ රජයේ කාබනික පොහොර ප්‍රතිපත්තිය විවේචනය කිරීම නිසා ඔහුට දැඩි බලපෑම් එල්ල කර එම ධූරයෙන් ඉවත්කර දැමූවා.
කෙසේවෙතත් මෙම පත්වීම් සියල්ල එළැඹෙන ජූනි මස 11 වනදා වාර්ෂික මහා සමුළුවට ඉදිරිපත් කිරීමෙන් අනතුරුව බලාත්මක වනු ඇති.
