හිටපු පාර්ලිමේන්තු මන්ත්‍රී හිරුණිකා ප්‍රේමචන්ද්‍ර ඇතුළු සමගි වනිතා බලවේගයේ කණ්ඩායමක් අග්‍රාමාත්‍ය රනිල් වික්‍රමසිංහ මහතාගේ කොළඹ 5 වන පටුමගේ පිහිටි නිවස ඉදිරියේ විරෝධතාවයක් සංවිධානය කර තිබෙනවා.
කෙසේවෙතත් එය අත්හිටුවන ලෙස ඉල්ලා පොලීසිය අධිකරණයෙන් තහනම් නියෝගයක් ඉල්ලා සිටියද අධිකරණය එය ප්‍රතික්ෂේප කර තිබුණා.
ඒ අනුව කිසිදු නීතිමය බාධාවක් නොමැති තත්ත්වයක් තුළ අග්‍රාමාත්‍යවරයාට එරෙහිව විරෝධතාවය ඔහුගේ නිවස ඉදිරියේදී පැවැත්වෙනවා.
කෙසේවෙතත් අග්‍රාමාත්‍ය රනිල් වික්‍රමසිංහ මහතා අද දිනයේ පාර්ලිමේන්තුවට සහභාගීවීමට නියමිතයි.
හිරුණිකා ප්‍රේමචන්ද්‍ර ප්‍රමුඛ සමගි වනිතා බලවේගයේ කණ්ඩායමක් මීට පෙර මිරිහානේ පිහිටි ජනාධිපති ගෝඨාභය රාජපක්ෂ මහතාගේ නිවස ඉදිරිපිට විරෝධතාවයේ නිරත වුණා.
ඉන් අනතුරුව බොහෝ පිරිස් විවිධ අවස්ථාවන්හී එම ස්ථානයට පැමිණ ජනාධිපතිවරයාට සිය විරෝධය දැක්වූවා.
